Við hjá Leikfélagi Selfoss bjóðum öll 15 ára og eldri hjartanlega velkomin á samlestur og leiksmiðju í sambandi við Skilaboðaskjóðuna sem verður sett upp eftir áramót.
Hvort sem þig langar til að stíga á svið sem leikari, taka þátt í tónlistarflutningi eða taka þátt í starfi á bak við tjöldin við búninga, ljós, hljóð, leikmynd, miðasölu eða markaðssetningu þá er þetta frábært tækifæri til að taka þátt í skapandi ferli og læra eitthvað nýtt.
Leikstjóri sýningarinnar verður Gunnar Ingi Gunnsteinsson leikari og leikstjóri. Gunnar hefur tekið þátt í og leikstýrt fjölda sýninga og nú síðast Kardimommubænum hjá Leikfélagi Keflavíkur og Ávaxtakörfunni hjá Leikfélagi Hveragerðis.
Við verðum með dagskrá í Litla leikhúsinu við Sigtún helgina 15. og 16. nóvember
- Laugardaginn 15. nóv – Kl. 11:00-15:00
- Sunnudaginn 16. nóv – Kl. 11:00-15:00
Ef þú hefur áhuga á að vera með en kemst ekki þessa helgi þá endilega láttu okkur vita á leikfelagselfoss@leikfelagselfoss.is. En við hvetjum alla til þess að mæta á samlestur til að kynnast verkinu og hvort öðru.
Hlökkum til að sjá ykkur öll!
